2012年7月5日 星期四

日月潭 -- 水社遊客中心 (圖A)


前一篇文章為大家簡介左日月潭既各個景點, 今日就先講你落車既地方, 水社遊客中心 (即上一篇的圖A). 尋晚教左大家點由台中搭車去日月潭啦, 而總站就係呢度喇. 無論你想去日月潭任何地方, 都會經過呢度咁滯. 上圖見到既購票處, 就係搭船去伊達邵. 而公車站就係環湖公車或者返台中既公車站. 除此之外, 水社仲係行街買野既好地方添.





從上面水社遊客中心既相片左手邊方向行, 就係行街買手信既地方, 呢度有野食, 7-11. 仲有得意既野賣, 另外, 水社碼頭(F1)都係由呢個方向行去既.




相機影相機



食左會變美人既美人蕉.



呢座樓真係好窄的呀!!




台灣地方特色產品館. 不過老實講, 呢度似香港呃自由行既手信鋪差唔多, 又貴又唔特別. 入面既野我諗你喺廟街都買到, 只不過係I Love HK變成I Love TW. 哈哈.

伊達邵碼頭.

達思怪獅背秀 (ThatsWhy Special)



由於水社係出發同回程既地方, 所以筆者建議大家回程時先慢慢行都未遲. 首先, 你返到去水社買定回程車票, 跟住就可以開始慢慢行, 呢度你預一個鐘左右應該都行得晒. 再順手買支野飲就岩岩好上車走. 咁你就唔駛拎住咁多戰利品行日月潭咁笨啦.
(本文街景地圖取材自谷歌地圖)

沒有留言:

張貼留言