2012年7月7日 星期六

日月潭 -- 纜車(圖B) / 九族文化村


尋日講左伊達邵, 我諗大家已經好想即刻飛去台灣玩架喇. 今日介紹多個全台灣獨有既地方比大家, 就係九族文化村. 不過講之前, 都要話比大家知點搭車去既, 今次唔係教你搭公車喇, 係搭纜車!


上文講到, 大家可以由伊達邵, 沿步道就可以行到去日月潭纜車站, 沿途風光秀麗, 大約10分鐘路程就到, 所以唔需要等公車咁麻煩. (: 由伊達邵到纜車站係落斜, 調番轉係上斜).



喺纜車站入面, 有手信鋪, 亦有餐廳, 可以飲飽食醉先出發. 纜車車資為NT$300, 連九族文化村入場券則為NT$780. 不過要留意運作時間, 平日係09:30-17:00, 假日09:30-17:30. 唔好咁晏先去呀!



出發!! 如果你買埋九族文化村入場券既話就可以入埋場玩, 否則只可以落車行個圈就要上番纜車. 講番九族文化村先, 呢度係一個集機動遊戲同文族風味既遊樂場. 最刺激既有跳樓機玩, 但係另一邊又有九族民族既表演喎. 好好玩架!!



沒有留言:

張貼留言