如果你唔可以坐 "倒頭車" 的話, 咁就最好去車頭或車尾坐打側坐既位了. 另外上圖寫住, 冬天係會開暖氣的, 發熱線喺你既座椅下面, 所以小心唔好燙傷. 不過冬天個個都應該著長褲架啦??
根住下面各張相都係上強羅其間既中途站同中途景色, 由於筆者無落車既關係, 大家睇相吧.
(題外話) 個女仔我唔識的, 當時太多人影個牌了.
好喇, 上到黎強羅. 呢度係上大涌谷之前最後一個食野同買野既地方, 即日來回既朋友, 記住喺呢度食到飽先好上山呀, 否則你只有兩個選擇, 一係喺大涌谷上面逼一間超迷你既茶居, 二係要落番山, 喺桃源台碼頭先再有一間餐廳. 但係強羅呢度就有十幾間餐廳比你揀. 好, 又睇地圖.
地圖A即係強羅車站, 向左下方去既黑線係 "箱根登山纜車", 而向下方向既黑線係剛才大家搭上山既 "箱根登山鐵路". 圖中間綠色既係強羅公園, 好似香港公園咁, 除左草之外, 無乜特別野的. 而食肆同手信鋪主要集中起強羅車站門外, 以及 (上山) 嗰條小路直到強羅公園之間既地方. 而筆者最終就喺強羅公園對面既一間餐廳食飯.
由於地圖不是立體, 我唯有用文字解釋比大家聽, 地圖既左手邊係上山, 右手邊係落山. 由強羅行上去強羅公園約10分鐘, 同埋條路真係有夠斜的. 大家去過慈雲山未? 應該咁上下斜. 當然大家睇地圖梗係諗緊點解有PACKAGE都唔搭纜車去公園下站落呢? 原因係行的確係快過等車的. 加上行既沿途都係商店同食肆. 所以大家都係行吧啦. 又睇相.
真係溫泉水黎架, 一出火車站第一間鋪門口就有呢個洗手既地方. 頓時覺得好溫暖.
火車站門外就係得呢幾間鋪, 好快就行完. 下圖係舊式登山列車.
除左箱根湯本之外, 強羅亦都有好幾間出名既溫泉酒店. 雖然我無幫襯到, 但係我見到一個個遊客行入酒店第一步, 已經有幾個著和服既日本妹行出黎幫佢地拎行李, 睇到呢度, 筆者幾想即刻衝入去. 不過我身邊既係老婆豬.
呢度仲有個巴士站, 可以去唔同既酒店或者落番山的. PACKAGE好似包埋任搭指定巴士的. 不過如果你係想上大涌谷既話, 呢程巴士係無用的.
見到上圖既牌, 即是你無行錯, 沿住呢條斜路上山, 就可以去強羅公園同埋...食野.
夠唔夠斜先?
小姐, 坑渠有咩咁好玩? 由於呢度係火山既關係, 所以坑渠水都係熱的, 所以呢度既坑渠係有煙出的. (爆趣!!!)
好喇, 筆者就係喺呢間餐廳食飯了. 貪佢唔太貴, 好似60-90蚊港幣左右一碗拉面. 其餘幾間食咖哩飯既都要百幾蚊港幣一碟飯呀. 睇得我個BLOG, 都知我唔會介紹貴野架啦. 除左遲下既台場篇.
同場加映多啦A夢. 由於當時係多啦A夢館既唔知咩咩紀念. (多啦A夢館位於小田原, 前幾個站落車就係, 有興趣先問我啦) 所以整個大涌谷, 強羅同桃源台都有大大小小既多啦A夢擺設. 依傢應該無晒了.
好喇, 大家買夠食飽就要出發上大涌谷架喇喎. 下文繼續.
(本文部份相片取材自谷歌地圖)
相關文章
箱根總覽（箱根湯本，大涌谷）
箱根篇之 箱根湯本
箱根篇之 大涌谷(火山)
箱根篇之 桃源台 (海賊船)
沒有留言:
張貼留言