2014年2月23日 星期日

川崎 - 電腦九龍城(鬼屋) (已結業)

註:電腦九龍城已於2020年初結業。一切只剩回憶。

返到黎香港最想同大家介紹既就係今集既主題 - 川崎. 川崎呢個地方, 我睇過好多旅遊書都無提過, 而我如果唔係想去電腦九龍城(鬼屋)都唔會去. 但係去到之後周圍行下, 發覺又幾多野行架喎. 特別係川崎距離橫濱只需7分鐘車程, 之前好多讀者問我去完橫濱之後附近有咩好行, 今次終於有答案了. 點去川崎最尾先講, 先睇下川崎周邊既地圖先.



川崎唔係大得好緊要, 我諗兩三個鐘都足夠你行晒, 如果你想留低食埋飯既就預半日啦. 地圖中, 橙色線, 紅色線, 粉紅色線同埋黃色線係步行街, 咩名都唔重要, 你去到就會行得晒架喇. 而地圖最高白色字既就係筆者既目的地 - 電腦九龍城(鬼屋), 本文最後會介紹, 依傢行下街先啦.





川崎係一個大站, 所以大堂都大過人, 出口得東同西兩個, 西口就淨係去Lazona商場, 其餘所有景點都在東口. 依傢先去Lazona.







Lazona係一個好似沙田新城市咁大既商場, 入面有齊各大牌子商鋪, 包括GAP, ZARA等等.



行人天橋呢個鐘有名堂架喎, 響既時候係播唔知咩咩交響曲, 有興趣既就留低聽下啦, 依傢去東口了.





JR川崎站東口一出黎就係atre商場, 旁邊仲有0101(即係新宿果間)同埋LeFront. 而商場既正對面即係過條馬路, 就係上文講到既幾條步行街, 包括銀座街, 銀柳街, 37番街同埋仲見世通. 我唔分開講喇, 一次過睇相啦. (所有相片可以按圖放大的)















呢幾條街, 有好多藥品鋪, 賣衫同鞋既當然有, 夾公仔打機既唔少得. 另外仲有一蘭添. 而再行過少少就會去到一條美國街(VIA CINACITTA).







表面上睇, 呢條美國街以食野為主, 另外好似有間DISCO. 大家有時間既慢慢行下喇. 跟住落黎就會到今集既戲玉 - 電腦九龍城(鬼屋).





過左美國街之後再向上行(我個地圖計)就會去到日進町既燈口, 燈口既右手邊就會見到呢座好似生左銹既建築物, 就係電腦九龍城了. 入去喇喎.






呢度可謂機關重重, 首先隻自動門開既時候不單止有聲, 仲有煙噴出黎, 之後入到去其實係黑的好緊要的. 而旁邊既窗係聽到廣東話旁白, 就好似屋入面有人講緊野咁, 又有炒菜聲, 行到最入就會見到呢部LIFT, 其實呢度係一間遊戲機中心, 樓上有飛鏢, 有機打, 有公仔夾......不如我地上去喇......






洗手間入面真係咁樣的, 你敢唔敢去? 我就即刻出番黎喇. =.="




打機果邊又好正常喎, 其實正話嗰D都係裝修既特式黎而已. 





為左令到大家可以感受到呢間鬼屋既恐怖, 筆者專登拍左條片, 全港絕無僅有!! 大家可以去ThatsWhy's Travel Facebook專頁睇呢條片, 好可怕架!!

https://www.facebook.com/photo.php?v=258070774355092&set=vb.150820895080081&type=3&theater

交通指南:
前往川崎最快既方法係搭JR東海道線, 由東京出發只需23分鐘. 如果你由新宿原宿澀谷方向出發既話, 搭JR山手線品川JR東海道線就可以. 另外上文提過, 川崎橫濱只需7分鐘!



沒有留言:

張貼留言