台中夜市 - 逢甲夜市 及 一中街商圈

(轉載自舊BLOG - 12/04/2013)
好快就講完台北, 再向南進發. (事實上睇開我BLOG既都知我少去台北, 哈). 今次帶大家去一個好出名既夜市, 就係台中既逢甲夜市喇. 不過咁, 台中除左逢甲夜市之外, 其實仲有條一中街好多睇, 好多野買, 同好多野食的. 點樣去台中我諗大家應該識啦, 所以今集會由台中台鐵站開始講起.

喺台中台鐵站既正門口, 一如大部份既台鐵站一樣, 門口就有個川流不息既巴士站. 喺呢度你隨便搭一部有寫住 "經一中街", 或者 "經中友百貨" 既巴士就可以. 事實上我一向都無理究竟係幾多號巴士, 因為好多架都經, 而且次次都唔駛等已經有巴士搭. (有一次我仲搭中部免費既巴士添).

事實上一中街係喺國立台中科技大學既對面 (見上面地圖), 但係一般當地人會以一中街或者中友百貨黎做路標的. 由台中火車站去一中街約10分鐘車程. 一中街係一條好典型既女人街, 有好多衫, 飾物同埋小食買. 講就不如睇相啦.

行完一中街, 當然要去埋逢甲夜市. 喺國立台中科技大學對面既巴士站(記住係大學對面既行車方向先岩)就有幾部巴士經逢甲夜市的. 包括有: 統聯79、81線、台中客運33、35、135線及仁友客運22、25、37、45、125線(呢度不是所有巴士都經一中街的, 只是我忘記了那幾個巴士編號, 所以我列晒所有經逢甲夜市既編號出黎). 不過放心,台中既巴士站好似香港咁,有齊所有路線既路線圖任你睇的. 由一中街出發前往逢甲夜市約45分鐘. 地圖如下:

從上面呢張地圖, 大家可以睇到台中火車站, 一中街同逢甲夜市既大約位置. 事實上遠就唔係好遠, 不過逢甲夜市附近一到晚上時間就非常塞車, 特別係星期五六日. 不過你又唔駛驚, 巴士司機係會改路行駛的, 講明先, 我唔知巴士公司係咪批准架. 不過D巴士的確係經常改路行.

落車既地方就係地圖左手邊條紅色線既福星路同逢甲路交界附近有站(改路之後會喺福星路較北既位置落車). 而紅色線係逢甲夜市既範圍. 逢甲夜市既右手邊就係逢甲大學喇. 所以真係要夜晚先開門做生意的.

逢甲夜市內, 有幾條橫街其實係喺個商場裡面的(一般來說得地下至一樓, 一樓多數係食肆). 總之慢慢行, 有排你行.

回程時, 喺番福星路就有車返台中火車站架喇. 但係要留意既係, 尾班車係夜晚十點至十點半左右. 所以想盡興既話, 就要搭的士返台中了. 另外, 由於筆者上文提過呢區塞車非常嚴重. 所以我次次都係搭的士走, 的士去台中火車站約30分鐘. (唔記得左幾錢, 港幣一百蚊內的).

相關主題:
中友百貨

(本文部份相片取材自Google地圖)