上一集跟杜如風去隱世名牌復古店Shopping完. 今日又跟佢去食蟹放題試下有冇伏先. (大家都知佢介紹得既食店都出名.....)
元祖びっくりかにや 博多店
一入門口你已經見到大大個牌, 呢間鋪淨係食蟹放題. 每位¥2800再加茶芥同8%消費稅一共約¥3500左右啦 (飲品另計, 一般汔水/凍烏龍茶約¥200-￥400). 講清楚價錢之後, 安心入去食喇.
入到去, 你乜都唔駛做, 佢安排你坐低之後, 就自然會幫你點火開爐. 然後再拎一盤蟹腳同一碟黑豚豬肉比你. 跟住佢會即場教你點拆蟹腳. 經過兩三隻蟹腳之後, 你就會越拆越快架喇. 梗係要快啦, 限食90分鐘架咋!!
講下味道先, 蟹腳肉唔多, 但係味道都唔錯, 網友話啲肉太咸. 但係我覺得OK既. 而碟黑豚豬就直情係好食!! 點都好, 咁既價錢, 有咁既味道已經叫唔錯. 反正香港無乜機會食咁多蟹.
我同我老婆唔算好大食既人, 眼前呢碟蟹加豬肉已經食到我地好飽. 話明任食, 你當然可以Encore. 不過記得唔好食晒先叫, 佢地無咁快整得切比你, 預早15分鐘就好叫喇.
後記: 第一次食都OK既, 但係呢啲野唔會再去食第二次. 一黎食物種類唔多, 食到成口都係嗰陣味. 二黎放題既賣點從來唔係好食. 想好食既去蟹道樂好過, 反正加埋茶芥等等都唔係話平到一個點. 去蟹道樂食午餐, 叫個中價既餐都係咁上下價錢.
交通指南:
前往既方法就係步行, 由博多站東口 (即筑紫口) 出, 沿住條大馬路, 過埋河, 行15分鐘就到. 提提你, 間鋪無招牌, 座大廈又無乜特別記認. 所以當你過左河之後, 再過一條馬路, 望實你左手邊既大廈, 見到正門就係架喇.
福岡篇相關文章:
天神註: 本文地圖取材自谷歌地圖
沒有留言:
張貼留言